Search
  • Fandy Ting

糖尿病與骨質疏鬆:又有關係?!

糖尿病與骨質疏鬆:又有關係?!


糖尿病和心臟病中風腎病嘅關係相信大家都聽唔少。但係今次我所講嘅係糖尿和骨質疏鬆,個感覺就好似叫我比較蘋果和螺絲的關係,完全風牛馬不相及,原來不講不知,近幾年醫學界都開始留意佢哋兩者軒連之關係。而且兩者都係非常常見的老人慢性病。譬如來說,比較稀有嘅一型糖尿病患者他們的骨質密度會比一般人低,因此骨質疏鬆風險較大。而佔糖尿病人數九成五嘅型糖尿病病人,其骨質密度一般雖然不會減少,但長者發生骨折嘅風險卻比一般人為高,因此糖尿病病人都不能忽視自己有骨質疏鬆嘅風險。


哪些度人是需要響起警號?


如有以下特徵的話骨質疏鬆或者係骨折嘅的風險會較高:

⁃ 一型糖尿病

⁃ 收了經的女仕

⁃ 年紀大過70歲的男士

⁃ 肥胖 (或另一極端:身型瘦小)

⁃ 糖尿病史長,有併發症的人士 (通常這批病人較易有血糖過低、肌肉力度差,再加上糖尿腎病會令骨質變脆,因而跌倒導致骨折的機會較高)

⁃ 父母有骨質疏鬆

⁃ 曾有酗酒或吸煙習慣


周身骨痛就係骨質疏鬆?


很多人有個誤解,以為膊頭痛/膝頭痛/關節痛就係骨質疏鬆嘅徵象。其實大部份骨質疏鬆未去到骨折嘅惡果是係唔會痛的。最明顯嘅表徵係過咗年紀大嘅時候身高比年輕時矮左好多,如超過三厘米,明顯有駝背,同埋背脊骨痛。如有剛才所說的病徴,或有骨折的風險因素,可以做一些簡單的檢查去證實有沒有骨質疏鬆。簡單快捷又價錢相宜的超聲波測量可作初步測試,如不合格,就須做雙能量X光 (DEXA) 去證實骨質疏鬆及其嚴重程度。


糖尿病人預防骨折疏鬆的食療


無論有冇骨質疏,注意飲食和運動都對骨質健康非常重要。飲食方面,每天要吸收充足的鈣質和維他命D去謢骨。有很多糖尿病人以為他們一方面常常戒口、「冇啖好食」,另一方面又要他們從食物中吸收鈣質,簡直是互相對立的。其實,除了牛奶芝士含豐富鈣質之外,低糖低脂的豆製品(如淡豆漿、豆腐枝竹)、白飯魚(總之是連骨吃的魚),綠色蔬菜例如西蘭花、白菜芥蘭都是糖尿病人的好選擇。簡單來說,每天如吃一磚豆腐,加2份綠色菜及一份白飯魚,你的鈣質攝取量應該足夠。千萬不要以為喝豬骨湯就能補骨,豬骨裡的鈣不能溶在湯裏,你喝到的只是豬油和鹽分,不但對骨質疏鬆毫無幫助,而且高鹽高脂對血糖和血壓控制亦有壞影響。


丁昭慧醫生

內分泌及糖尿科專科醫生


9 views0 comments

Recent Posts

See All